Archives декември 2018

На 19.12.2018 година во хотел “Континентал”- Скопје, успешно се одржа еднодневна обука на тема: “Спроведување на функционална анализа во институциите од јавниот сектор”, организирана од страна на Смарт Консалтинг Солушнс. Учество земаа вработените од јавниот сектор, односно засегнатите лица во оваа проблематика, од повеќе институции ширум Република Македонија.

На обуката детално се обработија чекорите кои ги предвидува Методологијата за спроведување на функционална анализа во институциите од јавниот сектор, во согласност со Законот за вработените во јавниот сектор, кој наметнува обврска за подготвување акти за внатрешна организација и систематизација врз основа на препораките произлезени од спорведената функционална анализа.

Фокусот беше насочен кон развивање на дискусија преку која учесниците ги дефинираа проблемите со кои што се соочуваат во процесот спроведување на функционалната анализа. Со заеднички труд и размена на искуства се предложија конкретни насоки и препораки кои би воделе кон подобра организираност и унапредување на работата во Јавните институции.

Се надеваме на уште многу успешно реализирани обуки, бидејќи нашата цел е секогаш да излеземе во пресрет  на потребите и да помогнеме во стручно усовршување и дообразување на работната сила во Република Македонија.

Благодарност до сите присутни учесници и на укажаната доверба.

Огромно задоволство ни претставува што тимот на Сцс – Скопје зема учество на дводневниот семинар за јавни набавки на тема: “НОВИНИ ВО СИСТЕМОТ ЗА ЈАВНИТЕ НАБАВКИ, КАКО И КОГА ДА СЕ ПОДГОТВИТЕ ЗА ПРИМЕНА НА НОВИОТ ЗАКОН ЗА ЈАВНИТЕ НАБАВКИ“

Настанот се одржа во периодот од 14ти до 16ти декември 2018 година, во хотел “Епинал” – Битола, во организација на нашите пријатели Асоцијацијата на професионалци во јавните набавки АПЈН, подржано од Смарт Консалтинг Солушнс- Скопје.

На семинарот земаа учество претставници од договорни органи и економски оператори, лица на управувачки и раководни позиции, членови на комисии за јавни набавки, одговорни лица и вработени во организационата
единица за јавни набавки. Низ различните теми кои беа опфатени на семинарот се дадоа значајни одговори на многу прашања поврзани со управувањето на јавните набавки и се направи паралела на постојното законско решение наспроти предлог- новиот закон за јавните набавки. Фокусот беше поставен на Предлог-законот, односно какви обврски и одговорности ќе имаат учесниците во постапката.

На семинарот беше претставен и новиот пристап на консалтинг услугите во областа на јавните набавки – online consulting system-от за јавни набавки изработен од СЦС Скопје. Се даде детално објаснување на функционалностите кои нашата веб платформа и веб алатки ги нудат, како и значењето и битноста на жалбите по јавни набавки во новиот консалтинг пристап.

Благодарност до сите присутни слушатели и се надеваме на уште многу успешно реализирани семинари.

Почитувани,
Ве покануваме да учествувате на оваа еднодневна обука на тема: “Спроведување функционална анализа во институциите од јавниот сектор”, која ќе се одржи на 19-ти декември 2018 година, во хотел ”Континентал” – Скопје, со почеток од 10.00 часот. На обуката ќе се дадат одговори на клучни прашања, и ќе се разработат конкретни насоки и можности, кои би Ви овозможиле квалитетно спроведување на функционална анализа во Вашата организација.